石崗軍營開放日之一

五月三日一早又再次出動，今次目的地係石崗。本來約咗七點半返去太和跟兩老飲茶的，但係唔知個鬧鐘冇響定當聽唔到，成七點先起身，八點三先到，吃咗少少點心就出發去軍營啦。

以往十幾年由大埔去元朗都會經錦田的，但巴士都會由錦上路往來。所以超過廿幾三十年冇去過錦田路呢邊啦。我印象中上村個墟當年仲有活鴨鵝賣的，其他都冇乜印象啦。

(唔知點解個blog update完唔見咗下半截，再寫過啦．．．)

九點十分到達軍營門口，唔係太多人，今次冇對身分證，只係睇下手提物品就算，不過唔知點解啲軍人一見到堆相機鏡頭就好似好驚咁，人地啲手袋所有拉鍊、眼鏡盒等等都要開晒來睇，見到中袋入面係相機就側袋都唔開，對上一次係喀什米爾上機前都係咁，經過四次安檢都唔係好睇相機袋，仲叫你快啲行．．．

今次醒目啦，映定張地圖先，唔洗盲摸摸。

軍營的營房都係好矮，英式建築。

呢架車係三個軍營都見到，車頂有部攝錄機。

一有士兵就會比人捉住映相。

女的就最受歡迎。

到大草地等睇表演，三個軍營除咗昂船洲比較新之外，其餘兩個入面的大樹真係好正，當年英軍係新界都出咗唔少力綠化環境，估唔到入面的樹啲形態特別唔同，好有自然的美感，唔知依家的政府幾時先有咁的功力呢，將市區圍住樹木的石屎一一移走。

先睇例牌項目。

待續．．．