上回講到要走回頭路接麥徑上山，天氣係山谷位其實都幾悶熱，赤徑上大浪坳的一段路又多樹，要用均速一口氣上到頂，唔係都唔知要停幾多次先夠。可能身體病完啲體力都未恢復，由北潭坳到大浪坳都飲咗成半升水。
係大浪坳小休片刻，再向蚺蛇坳出發。右邊可以見到鹹田及大灣。
再行高啲又見多啲。
係呢段樹木比較少，風又大返啲，行起來都輕鬆好多。前面就係流動電話發射站。
沿途都會見到啲可屎柱，下面有一條四吋水管接去高流灣及塔門的。
係網上見到好多人都話上蚺蛇尖的段路係之前的行山活動行到爛晒，近睇先知原來係真的。
終於發現原來標距柱的數字係正確的，因為兩組數的單位都係百米，而GPS可以出到米的單位(不過誤差係十米以下)，係四寫五入的情況下會出現誤差。唔怪得網上好多人都話啲標距柱唔正確啦．．．
到蚺蛇坳的岔路口，遠望蚺蛇灣，不過唔會落去。
啲水好清及藍。
開始行的碎石路。
又開始悶熱啦。
見到警告牌，即係冇行錯路。
過咗山谷又接返上可怕的水管路啦，路其實都幾平坦，不過係要成日左跨右跨過水管啫，唔好睇小呢幾下動作，當你背著一大堆東西的時候就唔係一件容易的事。
我都唔係好明點解行山會帶油漆的。
中東人士映蚺蛇。
我都係第一次係北面睇蚺蛇尖。
好接近蚺蛇灣啦。
蚺蛇尖及蚺蛇灣全景。
待續．．．
沒有留言:
張貼留言