話說上星期去辦年貨時買了一隻火腿回來,全隻火腿最唔見食的地方就是近身體的部份(唔記得叫乜名),因為那處死肉比較多,加上又三尖八角,最好就是用來做肉鬆.
由於雪櫃煮餸用的上湯又用清,天氣不佳又沒有去行山,於是煲返啲骨湯做儲備,咁多蒸汽用冇理由浪費咗佢
,幾個鐘頭就不停咁蒸蒸蒸...
蒸完火腿之後就做分級啦,最差的死肉已經在蒸煮前清理了大部份,冇咁靚個啲就打肉鬆(其實用刀切重好食,不過今日太忙就用機打啦),靚個啲就包好放入雪櫃儲存.
都有兩年冇買火腿啦,屋企冇食呢隻味精都有年幾,原本重有隻味精二號(大地魚茸),不過太少用短期內都唔會再整啦.
我想試吓係咩味
回覆刪除[版主回覆01/31/2008 13:58:00]好味 ,叫得做味精當然係能夠將平凡變到不平凡啦.
都係以前出術常用,冇湯煮餸時加少少就夠啦,有時唔落火腿絲可以上枱時加少少,食麵(唔係即食麵)時又可以加少少.不過依家雪櫃常有上湯存貨就唔係咁重要啦.