銀鱈魚西京燒

昨日去咗大昌行一轉,見到一塊好大的銀鱈魚,於是又買咗返來整西京燒.

由於白麵豉比較貴,通常都會加一些其他麵豉減輕成本,比例係麵豉3份,糖2份,味醂1份,料理酒1份,醃三日至四日左右就可以抹去麵豉後烤焗啦.

醃料份量唔需要多,記得有時間反一下就可以.如果食材出水唔係咁多的話,呢份醃料仲可以用多一兩次,下一次會醃豬扒,再醃多一次雞翼就應該用完啦.