今日去咗九龍城一趟,見到有啲靚的車厘子,於是就買咗箱回來,經過一輪篩選之後,表皮唔好的就拿來煮今晚的甜品.話說呢款甜品係好多年前外出食飯常食的一款,當時年紀小,食完full course都仲可以食甜品
,但現在兩個人食一個set diner都有點困難
.
之前整都係用罐頭車厘子,今次用上新鮮的智利車厘子,一磅車厘子可以食兩晚啦.
去片...先將車厘子切半去核,用牛油起鑊煎香半個檸檬皮後拿走,加入車厘子煮片刻,加入適量的糖(我今次就用了1.5大匙自家製的雲呢拿糖),煮至熱後再加入拔蘭地及橙酒(各一大匙),然後...
放火.
熄火後加入加拿大的楓糖漿(一大匙)及balsamic vinegar(二小匙),最後加上雪糕球一枚.
你講咁多樣野, 得牛油係我屋企存在 jar..........
回覆刪除[版主回覆01/27/2008 08:25:00]枝拔蘭地有少部份係妳的
我都係得牛油, 同埋一枝吾知變壞未嘅拔蘭地咋
回覆刪除[版主回覆01/27/2008 08:33:00]拔蘭地好少壞的,最多走咗啲酒精啫 .雪糕,車厘子同橙都係新鮮野,唔存都好正常,糖可以用普通的,係我之前煮雲呢拿汁後枝雲呢拿掉咗佢又浪費,咪放咗入樽糖入面出味囉,啲糖用來做甜品幾好的.楓糖漿係之前有人去加拿大旅行託佢買咗兩枝返來的.至於balsamic vinegar就係stock之一,冇咗佢煮唔到餸.
落酒唔怕啦﹗煮完都蒸發晒~ 唔會食醉人既~
回覆刪除[版主回覆01/27/2008 08:35:00]冇酒唔好食的,原來打錯咗,應該係橙酒先真
煮都未必蒸發得晒,放火一定得.妳係餐廳食個waiter唔放火就叫佢回水啦.
一箱買? 有排食喎 ~
回覆刪除上次我地幾家人 share 一箱, 我食左一個星期先 k.o. 晒咋 ~
[版主回覆01/27/2008 21:44:00]依家仲有8磅係屋企