庚寅人日凍冰冰

C小姐話要跟乒乒開年，咁就入咗去幫佢開年啦。

街市依然冇乜特別餸賣．．．

想整三杯雜菇的，不過個火夾個鋁質易潔鑊唔夠力，越煮越出水，結果要分開來收汁．．．

C小姐用紅酒醃咗一晚的羊肩，加紅蘿蔔、茄膏、牛湯及洋蔥煮埋一煲．．．

買咗兩桶中型美國桶蠔，汆水後再用薑片、乾蔥起鑊，加醬汁後想收汁，但係又係收唔到．．．整唔到砵酒焗蠔．．．不過蠔肉仲係好爽脆．．．

蒜泥薑汁少烏筍，唔汆水炒到熟為止．．．

係超市買咗隻細細的冰鮮芝麻雞，返來個開口太細（應該係我隻手大），用唔到鹽省個內腔，醃個多小時都唔係好入味，放入焗爐用160度加風先烤個背十五分鐘，再反轉烤十五分鐘，再反返轉加十度烤多十分鐘，反轉加少許楓糖烤多八分鐘完成。慢慢玩隻雞會好食啲，趕時間就一開始多加十度就三十分鐘左右就食得．．．

今日攞咗兩隻2L帶子比乒乒同土匪食．．．