己丑年最後煮的一餐晚飯

今日某人問咗個問題，你今晚會唔會同老婆食團年飯．．．

．

收工後走去街市行一圈，見有登格斯蟹賣，就問下幾錢啦，百二蚊斤都可以啦．．．

返來仲係好生猛的，不過搞完其他配料之後就慢晒爪，不過都係識郁的．．．

．

切好的料頭，蟹身上少許粉就先泡油。料頭起鑊後就將蟹回鑊，贊黃酒，注上湯，加豆瓣醬、豉油、味醂、料酒、糖及胡椒粉加蓋焗，收汁後加少量麻油。

另外炒多碟菜芯，加多一煲粟米魚肚羹又一餐啦。