20100207@尖咀新地標s

下雨天，冇得去行山，變咗去行商場。尖咀兩個新商場開咗一陣子，都係時候去八一下．．．

先去搭架九鐵巴士先，入面開咗一間自稱係日本出名的炸豬扒店，當然要去試一下啦．．．

上菜時間算正常的，係我今日冇食早餐，有點餓，覺得等咗好耐．．．

老婆叫咗客吉列黑豚定食．．．

豬扒只得頭尾可以食下，因為有肥肉關係，中間四塊真係幾難入口，啲肉質好乾同"鞋"，個脆面帶油，多吃會有肥膩的感覺．．．

．

我就叫咗碗黑豚柳定食．．．

最好食的就係個蛋，豬柳肉質比豬扒好得多，其他就一無事處，個脆面索咗啲蛋汁內的高湯本應係好食的，但係就脆面內的油味出晒來，加埋脆面的油份太多，真係好難食．．．

一間標榜炸物的店舖居然可以炸到啲食物好油唔乾身，仲要食到唔好的油味（換油時間控制得唔好），咁嘅水準仲要咁嘅價錢應該好快可以收檔啦．．．

．．

食"飽"行咗一陣，就由地下管道去咗另一個商場，玩咗幾轉長電梯，上到差不多係對面屋的頂樓．．．

係中間位咖啡癮又發作，搵間匙西飲返杯日式咖啡．．．

呢間比三個英文字的那一間少品種揀，見得三款特別少少的咖啡就揀兩隻來飲．．．

由於唔肯定佢的沖法，於是就問下個小妹妹呢兩款係唔係用虹吸方式去沖的，點知．．．佢話我地啲咖啡係用蒸餾的．．．我於是指住張相問係唔係呢隻，佢話係．．．話晒都係間咖啡店，基本知識都欠奉，妳打份工都要比少少心出來做，唔係點叫人地比機會妳．．．

．

我叫的多拉哥多拿渣咖啡．．．只加糖不加奶．．．

老婆的失事穿梭機咖啡．．．

日日係屋企飲用機沖的咖啡，久不久都要飲返杯用虹吸沖的，兩種沖法的口感完全唔同，我係比較喜歡用虹吸方式沖出來的咖啡，雜味比較少，咖啡的個性會突出啲．．．

加多一件NY芝士蛋糕．．．

豐富的一頓午餐．．．