石屎碎似粉 惹鹹水樓猜測

(星島日報報道)馬頭圍道四死塌樓慘劇，有立法會議員表示，塌樓現場石屎粉碎，顯示風化嚴重，擔心倒塌樓宇屬「鹹水樓」。不過，有結構工程師認為，倒塌樓宇已有五十多年樓齡，落成年份較鹹水樓猖獗的六十年代要早，而且鹹水樓壽命最多只有二十年壽命，相信「鹹水樓」並非塌樓原因。

　　立法會建築、測量及都巿規劃界議員劉秀成表示，他前日現場視察過塌樓意外現場，看見石屎散落一地，「碎到好似粉」，認為石屎嚴重風化，擔心是早年香港制水期間，有不法商水用鹹水混石屎興建的鹹水樓。他建議政府日後強制檢驗舊樓時，需要化驗石屎強度。

　　工程師指可能性低

　　不過，結構工程師黃澤恩認為，本港六十年代制水，但倒塌樓宇是五十年代落成，是鹹水樓的可能性較低，又指鹹水樓一般是落成後十至二十年便會出現結構問題，故他認為是由於樓宇日久失修，再加上外力撞擊下，破壞了樓宇的結構才導致意外發生。

　　香港工程師學會副會長朱沛坤則估計，由於倒塌樓宇地鋪裝修的工人，無意中打斷部分主要梁柱，才令樓宇倒塌，他認為政府應監管裝修工程，但凡涉及改變樓宇結構的裝修工程，必須尋求結構工程師的意見。

********************************************************

個個都係專業人仕，齊齊出來大包圍，總有一個中的．．．

我都好想知個議員見過鹹水樓未．．．

實情我估應該都係個地舖改到七彩，屋宇署又出咗維修令，業主就搵人拆咗個僭建物，唔知點解就咁就倒塌咗。其實屋宇署本身都有問題的，出啲維修令內容通常都係好簡單，睇完都唔係好知佢想講乜，你話拆人地咪拆囉，幾十年樓，樓下裝修過都唔知幾多次，總有人會偷偷地改咗啲野，呢度減一吋冇問題的，減減下總有出事的一天．．．你係外面只係睇到表面多咗幾舊野，入面千瘡百孔佢地又點會知呀．．．