20100114的晚餐

是日依然天寒地凍，又煮返個油鴨髀煲仔飯。油鴨髀先汆水去減啲油，雖然會冇咗咁香口，但會少咗一份油膩感，個煲唔夠大，要切開個轉彎位先放得落。

另外又煮咗個炒雙冬，冬筍早幾日出咗水，今日就先走油整脆個面，另外用薑片起鑊，加入冬菇炒至乾身，再加入冬筍，贊酒加上湯，用磨豉醬（應該係甜麵醬的）、生抽、老抽及砂糖炆煮廿分鐘。

再加多一碟上湯煮日本旺菜又一餐啦。