我看高鐵

高鐵呢個問題本來冇乜好講，但係近來新聞日日都有得睇，小事一樁變成本地大事。

．

基建呢樣野好難用今天的眼光去評定係唔係合符成本效益，要用時間來見證，我認為呢刻啲片段要放入時間囊，十年廿年後再打開來回味一下，睇下邊個啱同邊個錯．．．

．

高鐵要起相信冇人會反對，問題係花幾多錢先覺得唔浪費．．．呢個問題好難答，唔好講咁遠，淨係九七年前的玫瑰園計劃當時中方的反應比呢班小朋友仲要大，結果係點，大家都要多謝英國佬．．．

．

中國起高鐵係國策，而香港又位於南方的一端，唔接上網絡長遠會使香港對外的地位不保。高鐵主要的對象唔係香港市民，高鐵唔係要用來接駁香港的鐵路網，高鐵主要係一個省際的運輸工具，用來取代不環保及費時的短途客機，去廣州快咗只係其中一小頂而已，由於行程時間的減省，班次上比飛機靈活好多，一個已發展的經濟圈可以在地理上進一步擴大，相信條數都幾難係呢一刻計得清同準．．．

．

另外政府宣傳又係傻傻地，話去北京上海會比現在快幾多幾多，我覺得啲官員對大陸的認知只限呢啲大城市．．．呢個問題即係等同問日本會有幾多人會搭新幹線由大阪直去北海道，我估香港啲市民會更容易比到個答案出來．．．

．

慳錢唔係唔好，但都要睇下高鐵發展的原意係乜先，係錦田起終點站啲交通配套又如何發展，運作上好多問題大家都唔會了解，如果有長途省際列車的班次要深夜又或者係大清早到達或出發，到時係唔係要將配合的鐵路加開去疏導個一千幾百人次呢，當中旅客跟本地市民的比例大家都唔會知．．．

．

我覺得如果將站設係錦田的話，不如唔起高鐵好過啦，由落馬州起一條特快專線去福田站加埋北環線會更為慳錢．．．

．

中國係近三十年翻咗幾翻，起咗唔知對香港會多咗幾多益處，但唔接又或者接得唔好就一定係大輸家．．．

．