早年行山的時候都會見到吊鐘花的，大多是在農曆新年後的初春時份，通常都只得三數棵樹開花。今年忽然想起過年前的吊鐘花應該逐漸開花，而網上有人報告有數處的地方已經有花踪
，於是今個星期天就行一趟鹿湖郊遊徑。
是日的起點由西灣亭旁的入口出發，至北潭路完成。唔好睇少鹿湖郊遊徑，以為郊遊徑一定係好輕鬆的，全港廿八條郊遊徑雖然未行晒（亦都唔會去行晒），但係呢條絕對係難行的頭五名以內。最難的當然係船灣郊遊徑，點睇佢都係一條長途遠足徑，另外我認為第二難的就係上落差達六百一十米的係黃龍坑郊遊徑，雖然二點三公里唔係好長，但係呢條徑的起點／終點係在六百九十米的雙東坳上面
，即係上完都要再搵路落，又或者係搵路上去行返落東涌。
鹿湖郊遊徑的難度在於上落的坡度大同急，其他的如時間、長度及路面情況就一般啦，好多上落斜的路段都有石級，而平路就比較多係我最喜歡行的風化路，好天行走的問題不大。
鹿湖高原好細個已經比大佬貫輸咗係一個好危險的區域，原因係以前啲山路唔係咁多人行，加上當時係冇指示牌的，入咗高原之後經驗唔夠就好難定位，天氣唔好就會搵唔返路出來，所以成個西貢東交通方便的都差不多行晒，但唯獨呢一個區域未同老婆行過。不過依家政府開發咗咁多行山徑之後，岔路的指示清晰咗好多，迷路的機會相對很少。話雖如此，基本的急救求生野一定會帶的。
一起步先來個大上先，水平三十上四十米，冇數過有幾多梯級，總之係上啦。由於早上做過運動，一開始上梯級又唔覺特別辛苦。
回望西貢西灣路。
上到去岔路口，左右都有不通的路牌，即係繼續直行。
再行不久就開始有吊鐘花的蹤跡，不過此處的吊鐘機生得比較高。
吊鐘的學名為Enkianthus quinqueflorus，英文名就係Chinese New Year Flower，生物學上的分類為杜鵑花科、吊鐘屬，是多年生的落葉灌木及香港原生的品種。由於花期在農曆新年前後（正確係新曆一至二月），所以在清代中葉開始流行採摘此花作為年花，而香港於1937年起立例保護此樹：不得售賣、要約售賣、管有、保管或控制植物或其任何部分。所以大家去到郊野就唔好諗住帶返屋企啦。至於吊鐘的果期就係九至十月，我就未見過啦。
近個啲通常都唔靚，我估都係遊人的傑作．．．
要生得高又或是生得遠先至比較完整。
鏡頭長都冇用，有風點都拍唔到大頭的。
除咗吊鐘之外，仲有啲茶花開緊。
遠望蚺蛇尖，再行前啲就睇唔到啦。
有啲花仲未開，比較紅。
開咗啲紅色又會淡返啲，試下側光拍。
開ing。
又試下反射光拍。
又試下後側光拍，呢種光源最好，不過呢朵唔靚。
呢朵茶花算係完整啦，不過高度跟我差不多，角度唔係咁好。
漫漫長路掛住拍照有排行．．．
由低位拍好辛苦，個姿勢好難揸得穩部機。
玩咗好耐先至行咗五百米。
待續．．．
沒有留言:
張貼留言