20100125的晚餐

望下山望下海去Macao唔係旅行。

九點就係香港坐船過過大海，冇去幾個月，變咗大鄉理，依家過去係唔洗填藍白表格的．．．

下晝未夠鐘就返來，結束最短時間之旅。

今晚又玩炸物，昨日係九龍城的豆腐店買咗啲豆卜返來，再係土瓜灣街市買咗啲冇味鯪魚肉，今日蒸條臘腸切幼粒加魚露及豆粉拌勻再撻數十下，然後釀入豆卜內，今次唔反轉來釀係唔想食到嘴都損晒。另外又用雞湯煮旺菜，用少許紅椒起鑊，加酒加湯去煮。由於隻臘腸靚過頭，沾泰式甜醬就互相搶味，最後要用柚子醋伴吃。