2010鹿湖郊遊

今日一早又去打網球，今次大佬帶咗大孖去球場。

兩姊弟原來都好鐘意瞓街的，一出到去外面就大覺瞓

打完兩個小時網球，返屋企休息一陣又出去西貢行山。

老婆病咗幾星期，都係時候出去吸下新鮮空氣。

十一點左右去到荷里活，好少食肆開咗。最後去咗螞蟻食．．．

依家啲後生都唔知屋企點教的，係食肆入面拍照開閃光燈已經擾人啦，仲要係用DSLR的機頂閃，即係有意圖去做，唔係DC個啲閃咗都唔知．．．

拍咗數張，唔係拍啲食物，而係兩個互拍都仲未夠，要攞埋支外閃出來打brounce

．

食完午飯坐巴士直入北潭涌，轉的士去西灣亭，行後幾步就係鹿湖郊遊徑的入口啦。

入口處有清晰的地圖，睇完都冇用，遲啲有相時就講下點解。

入口拍示牌。

沿途跟往隻鹿行就得啦。

1350開始行，1632到終點，全程5.2公里。

係路口見有架94號走咗，以為下一架一定係94R，點知十分鐘唔夠又來多架94號，當然即刻上車坐啦，去到西貢市轉小巴再轉巴士，六點左右就回到屋企。

拍咗好多相，處理完再講下今次的行程啦。