3號風球後的一天@TKO

天氣熱，唔打室外網球轉打室內桌上網球。打乒乓球要求的反應比打網球要快，太耐冇打，頭個十五分鐘都係唔適應．．．眼手的協調唔係咁好，想打的就打唔到，反而用自然反應比較順暢，因為呢啲條件反射係由兒時訓練返來的。不過又由於之前打網球打咗一段頗長時間，手腕的控制冇咗咁靈活，用多咗上臂的力量，結果又成日打出界．．．

下午又入咗去搵乒乒，當然又係食食食啦。

凍薑味豆腐，即食日本食品。

話梅糟露白肉苦瓜。

越南春卷，有青瓜絲、蟹肉、蟹子、芒果條、蛋絲、鮮羅勒及羅馬生菜。

芝士菠菜焗廣島蠔，由於地方關係，又係兩蠔一殼。(注意：中間的係比小鬼食的)。菠菜先灼至大半熟，壓去多餘水份略切小份。蠔先用去腥料汆水，再將蠔殼用熱水消毒。用少許鋁箔做底托（冇理由去整啲薯茸咁浪費）放上蠔殼，加菠菜，再放上蠔肉。

灑上比薩用的芝士。

完成圖。

印尼咖哩牛腩，呢次買的咖哩醬比較多油，不過我冇食過。

天婦羅s：南瓜、蕃薯及花竹蝦。

茄子及椒鹽蝦頭。修剪咁多蝦頭的時間要好多，不過有一隻全殼生蝦比阿肥食咗．．．

荔枝／芒果涼粉（冇相的．．．）

呢啲係乒乒同肥肥的飛機餐

後記：食飯的時候乒乒大部份時間都係坐咗係腳邊，咁我就叫阿筠轉問乒乒今餐最鍾意食乜，乒乒的答案係蝦，咁我就比咗一尾蝦佢食啦。