20090608的晚餐

今晚整咗碟三杯雞肶菇，香茅魚露三文魚及叉燒一碟。

三文魚用辣椒、魚露及香茅醃廿分鐘，煎香後加上青檸汁，食用時配以泰式醬汁。唔知點解啲三文魚扒唔打鱗的，得兩吋咁闊好難打得清，要慢慢刮條邊先可以食埋層皮。

三杯汁料用上：魚露、黃糖、水、米酒及醬油，先炒香紅椒、薑片、蔥頭及蒜頭，加入雞肶菇炒軟後加入三杯汁料，煮至收汁後加入金不換及麻油。