20090629的晚餐

天氣炎熱，由朝做到晚都未停過，收工去咗深水渉買野，順路又入去北河街街市睇下有乜賣。休魚期中冇海魚食，養都要搵啲游水斑仔來食下。

另外又用翠玉瓜及日本青椒來炒少少珊瑚蚌。未整過珊瑚蚌，唔知點整先啱，解完凍啲腥味都幾難頂，用薑、蔥及黃酒汆水，再用蒜泥起鑊，炒軟翠玉瓜後加入日本青椒絲，拌勻後加入用桂林辣椒醬、蠔油、砂糖、老抽、生抽、味醂、生粉及水開好的芡汁，再將珊瑚蚌回鑊至汁液杰身後盛起。結果係三樣食材都爽爽爽。

今晚煮咗啲韓國米來吃，呢隻米應該係韓國人日常吃的那一種，比我上次買的少了一份飯香，但比一般日本米好食好多。