20090601的晚餐

今晚煮咗一味真係好耐冇整過的餸菜－－紅酒燜羊膝。之前買到的羊膝比較細隻，一排四件，每人食一隻又唔多夠，兩人又多過頭，煮三隻剩返一隻又唔知點好，結果好耐都冇再入貨，直至上一次入貨時見到有些比較大一點的就再買返來分兩餐食啦。

羊膝加洋蔥、紅蘿蔔、西芹、蒜瓣、香草及紅酒醃一晚之後，再用鮮蕃茄、罐頭蕃茄、蕃茄膏及牛上湯燜個半小時，盛起羊膝之後將汁液濃縮，加芥末、喼汁、鹽、糖調味。