20090610的晚餐

屋企附近有間泰式食品小店的香葉肉碎炒飯又平又好食，今晚就試下係屋企複製啦。

豆角切粒先拖至半熟，肉碎係買返來自己粗切的，用基本醃料醃上大半天，炒好肉碎後盛起，再將冷飯炒熱盛起，用少許油爆香蒜泥及指天椒粒，加入肉碎拌勻，用曬油、豉油、砂糖、魚露及辣椒膏調味，再將白飯回鑊，拌勻後加入金不換煮軟便完成。

飲料方面今次終於試飲咗之前浸落的山楂酒。

另外再加一味洋蔥炒羊柳。

P.S.：蜜蜂送的那一棵金不換已經弱不禁風啦，要過一排先可以再煮相關的餸菜。