20090606家常便飯@TKO

星期六一早起身去打網球，但係朝早冇乜風，八點唔夠個太陽已經好熱啦。呢個夏天應該轉入室內打其他球類的．．．

返到屋企又要準備今晚的家常便飯，係屋企整咗兩個鐘，係TKO整咗四個鐘．．．

天氣熱，整多些少冷盤。

蔥油海蜇。海蜇浸透後灼熟過冷河，用薑茸、蔥粒、鹽及熟油拌勻。

 

雞絲粉皮。雞肉用沙薑粉、香茅粉、鹽及麻油醃好蒸熟撕好備用，水晶卷切段後灼熟過冷河。

湯都要煮啲爽口啲，見意大利呢款湯唔難整，係花時間去切菜啫，又有豬肉，飲唔晒又存得。Minestrone alla toscana (Tuscany-Style Vegetable Soup)。洋蔥、蕃茄、翠肉瓜及茄子切粒。炒香後加入碎牛肉再炒，之後加入蕃茄膏、清水、牛至、鹽及胡椒煮半小時，再加入薯仔粒及白腰豆多煮十分鐘。

焗蟹蓋。兩個女工四隻蟹拆足兩個鐘。洋蔥及紅蘿蔔切微粒，蘑菇切薄片，炒好後加入蟹肉、芝士及麵包糠。釀入蟹蓋之後加麵包糠上面焗至金黃。

酥皮黑啤羊肩一大份伴白飯。

灼蕃薯苗。

北海道芝士食鬼蛋糕

多咗兩隻手的氣酒。