09夏至@去玩去癲

是日一早去到海馬公園，雖然寫係十點開門，但係九點半已經入得。本來冇預計咁早到，但係巴士唔洗十五分鐘就由土瓜灣去到門口啦

公園繼續有工程進行，相信設施落成之後又會再加價啦。

門外九點九有金剛鸚鵡出來表演。天氣好熱，係門口企一陣都流晒汗。

又係例牌動作，一開始就坐吊車上山先。

又係第一時間入去啫哩館，冷氣真係偉大的發明。

去到最尾的一部份成日都覺得似做緊啲瘋狂科學實驗咁。

映完出來先知有枝CCTV係度

行完啫哩館就穿過日本花園去海洋館，都唔知點解個日本花園可以保留係度，我其實去咁多次海馬公園都係入過一次咁大把。中華鱘館仲未開，有機會要去見一見佢地。

海洋館入面好難映相，一來暗，二來啲魚游得好快。

好似呢啲唔多郁就好易映啦。

海馬映唔到，海龍又背住我

呢條魚最特別，係正個牌前面定一定，不過我又唔記得佢個名。

呢條就好怕羞，映多兩張就游走咗。

呢條花尾躉就最乖，係度清潔緊，任映。

入面兩條杉(魚追)就最好客，成日都係自己個門口等人來映。

時間關係，第一場秀開始咗，咁就即刻下山啦。

四個人都係去食中菜，炒咗兩碟粉飯及少許點心，之後又係大樹灣去行個圈。

七月先有新節目，得返百鳥居及紅鸛池有野睇。

中途見到紅色的雞蛋花。

上次來的時候因為禽流感關係，呢兩個地方都冇開放，見返佢地都好開心。

紅鸛池後面得返隻蜥蜴係度．．．

好肥大的天鵝。

再走向百鳥居，入面啲雀出晒來食野。

好鮮艷的雀鳥。

睇完之後趕返去海洋劇場睇秀。開咗咁多年都冇玩過的過山車。對面就係玉桂山，當年就係上面睇飛機表演。

海洋劇場冇咗海威小姐之後都冇乜睇頭啦，冇映到相。之後就回走至海濤館睇海獅。

咁啱又有表演睇，主要係介紹海獅的特徵。

睇完就坐吊車回程，今次當然又係坐出面的一排啦。

回到入口就轉往新開的亞洲動物區，見到楊子鱷不過個位太熱冇映到。跟住就入咗非常涼快的熊貓山莊。

好可愛的小熊貓正面。

背面。

另一隻就好難映。

長長的尾巴。

全家幅。

呢隻都唔知係606定610啦。

娃娃魚太多人排隊，有成三四十人，冇等到。之後就穿過金魚館，人太多，冇映到。新的比之前的金魚館細咗唔少，不過都可以見返啲特別金魚。

本來打算入來睇小爪水獺的，不過冇得睇，二樣最想睇的得返一樣睇．．．

最後就去探下啲老人家。

 

唉，又係得返一隻係度，另一隻就係後園行來行去。