初七人日食食食

今早九點起身，又係煎糕食的時間，最後仲有啲椰汁馬蹄糕及年糕未食完，應該要多兩次先食得完。

十點又開始三小時不停煮煮煮啦。

之前係電視見到間店舖的德國豬手係打直來燒的，而且用啤酒來醃及燒時不停噴灑上皮上面，於是又學下人地睇下效果如何。豬手都係用上加拿大的雪藏鹹豬手，鬆針後用啤酒加上Juniper Berries, Whole Allspice, 辣椒及黑椒醃一晚。由於搵唔到針插將隻豬手固定，於是用兩個網將豬手夾著，用綿繩扎好，開風扇來燒，不時用噴壺將啤酒噴灑上豬皮上面。不過針得唔係好夠好，個皮只可以做到硬脆而唔夠鬆化，都係要買返個針插先再玩過燒豬啦。

C小姐估錯咗啦，有冬蔭公湯飲不等於有蝦丸食的，蝦膠的用途仲有好多。

今次整鵪鶉蛋吐司，學咗成年幾都冇整過，其實都唔記得係點樣啦，只係望住啲筆記來整，效果算可以啦。整好蝦膠雪咗一晚，鵪鶉蛋先煮好去殼，用圓形模具切好方包，在麵包上塗上豆粉後釀上蝦膠，中間壓入鵪鶉蛋，再用小刀批好表面，再壓上芝麻。

今朝買到冬筍，咁老竇最喜愛食的上海菜之一醃篤鮮又可以整啦，湯上的份量少咗兩碗左右啦。

三杯雜菇加香煎北海道帶子。

切好豬手的樣子，啲骨當然係比小狗收埋咗入雪櫃啦。

多咗少少汁的砵酒焗日本生蠔，趕住出菜整唔切個濕粉水．．．

清炒菜芯。

似煎堆多一點的鵪鶉蛋吐司。

涼拌銀芽及好耐冇食過的五款冷盤啦，不過我都係食咗少少，其他比人食晒。

之前失敗咗的伊達卷。

食完呢餐又向下一餐的目的地進發啦。