盆菜宴@蝦尾新村

食完午飯洗完碗筷，三點幾就直航天水圍，目的地就係呢處啦。

少少的村落。

食的係盆菜宴，不過唔係係呢度食。

而係係陳教練的門外。

有百幾年歷史的村屋。

有人住的關係，保養得唔錯。

當然有啲會有日久失修的情況啦。

準備開飯。

輝記出品的盆菜。

好大盆呀，中途仲加咗一次魚蛋及兩次菜，可惜十個上咗年紀的人無力消滅晒成盆餸菜。盆內有：秘製油雞、魚蛋、酥炸鮮門鱔、蠔油冬菇、豉油皇大蝦、家鄉炆扣肉、白蘿蔔、醬汁豬皮、炆土魷魚、豆卜、蠔油支竹等等。

其實今晚係三大老襯的聚會，大家都食得好開心。

好充實的牛年人日。