都有一段日子冇去行山啦,襯新正頭出去行個大運先。
由於夜晚要開餐,唔可以去太遠,最好行完買埋餸返去整就差唔多啦。
之前西貢市附近的蕉坑唔係咁好行,咁就搵對面的馬鞍山郊遊徑加麥理浩徑一齊行啦。開始個段馬鞍山郊遊徑係千禧年行過一次,不過都冇乜印象啦,好似只係上山同落山,未出完身汗就到咗馬鞍山個邊。
係菠蘿輋個迴旋處跟Bingo仔會合,就開始向馬鞍山郊遊徑個入口出發。

上昂平要行1.3公里,天氣都還可以,不過能見度就好差。

Bingo仔無時無刻都會搵樹蔭的。

開始時充滿活力。

一路上,一路上。

阿媽,有冇野食呀。

食完又上上上。

能見度真係差到冇乜心機影相。

努力上上上。

行得咁慢呀。

好熱、好熱、好熱、好熱。

就到昂平啦。

去沙田個邊的大水井都好快。

不過今次就逆走麥理浩徑,去企嶺下個邊。

前面就係大金鐘,個山勢應該唔係好難上,不過今次都仍然唔上去。

係觀景台望返落西貢市,如果好天就正啦。

食飽又可以繼續走走走。

去到分岔路口啦,大休完就向企嶺下方向出發。

開始再上山啦。

乜仲未上完嘅。

跟住牌上上上。

之前係觀景台見到一班人等緊風,借到風後就飛飛飛。

繞過大金鐘之後就向另一個無名的山頭出發,其實呢邊仲高過大金鐘的,不過由於山頂唔明顯,後面又有一個馬鞍山,冇乜人理會佢。

係上面舊石頭可以望到大學及大埔。

回望返大金鐘,有幾個人上咗去。

緩緩的繼續上。

天氣乾燥,啲草比強風吹到好似Set咗頭咁。

馬鞍山在望。

呢個View好靚,不過天氣唔好,影出來怪怪的,有時間要再由Raw調過先得。

唔上馬鞍山,開始下山啦,上幾多下幾多。


三杯酒方向。

係呢度Bingo豬開始乘搭Buggy下山。

落到山腳,轉向南山村出發。

去到車路轉右。

全程行咗約十公里,最高點係五百六十公尺。

後記:腸不宜行此路。沿途風景非常美麗,可望三個唔同的方向:西貢及萬宜、大學及大埔、以及船灣淡水湖等。仲有一樣特別之處係好多外國人行,有講英語的,有講法語的,仲有唔知講乜的,香港人反而比較少,感覺好似去咗外地行山咁。
bingo: 不停咁行行行...... 咁少樹蔭的地方下次唔好帶我去, 一係搵日冇咁哂先, 中暑點算
回覆刪除[版主回覆02/08/2009 22:54:00]我次次都問您媽媽洗唔洗抱您的,不過佢話唔洗就由您行咋
帶得您去就預咗包底的,下次記得自己走過來上車啦
借你個blog用
回覆刪除[版主回覆02/08/2009 22:56:00]有借有冇還先 ,啱用就攞去啦
好慶幸我唔在場, 唔係可能我同 kelly 要坐 helicopter 走 ... kakaka ~~
回覆刪除[版主回覆02/09/2009 13:26:00]唔係好難行啫,早多些少行會舒服啲.
其實算唔算辛苦呀?行左幾耐呢?
回覆刪除[版主回覆02/09/2009 18:04:00]腸不宜行此路,全程行咗約十公里,最高點係五百六十公尺,最低點係地平。行咗五個幾鐘,休息多。