20090225的晚餐

今日又外出工作，

返到屋企又要繼續工作．．．

雀雀幾開心，可以自由行。

早日某人話啲豆卜反轉會好啲，今晚又去試下啦。

百花釀豆卜，魚露炒豆苗，食埋最後幾件玉子卷。

甜湯又係桂花福果清心丸，食完油炸野要食返啲清熱的去平衡一下。

反轉豆卜炸係好脆口的，大小最好係剛好一啖為佳，太大的話食個陣真係要小心啲，唔係會界親個口。

咁樣整啲蝦膠會比較見食，整開蝦膠的都知一斤蝦可以整到幾多出來，特別係河蝦，頭又大，身又細，得個三成肉左右，唔見食。不過蝦肉比用海蝦的清鮮好多，少了一陣海水鯹味。雖然蝦肉比較少，但係個蝦頭蝦殼就真係唔可以浪費，繼冬蔭公之後，用佢來整海鮮湯又得，整蟹粥更好食，蝦頭入面啲膏真係好香口。

某人成日話我食油炸野，好多油，但今次食完睇返張吸油紙係冇油的．．．