20090207的家常便飯＠TKO

係西貢行咗一日山，去咗西貢街市買餸，整咗幾個家常便飯。

買咗兩隻蝦，有十三両重。

簡單去頭去殼去腸之後，蝦肉放入冰格急凍片刻，先用牛油煎蝦頭至七成熟，再加入原條蝦肉煎去九成熟，將蝦肉切段後再回鑊，再加牛油、胡椒粉及豉油調味，熄火後加入檸檬汁及蔥粒。

見到有鮮海膽賣又買咗啲返來，由於抱住Bingo仔，所以唔知買咗幾多。（應該返來秤下佢）

煮白飯用的水加入少量的豉油、糖、味醂及料酒一起煮，飯粒收水後將海膽放上飯面焗。

食時再加上蔥粒及用楓糖、麵汁、豉油及麻油調好的醬汁食．．．

另外又買咗啲蟶子用辣椒絲、金蒜及豆豉去蒸。

搵返啲肉食下，雙腸薑汁魚露炒芥蘭，啲肝腸靚過頭，化咗。

蒜泥炒唐蒿，隻鑊唔夠熱，越煮越多水。

仲有一味叫釀蛋的東西，係用豬肉加鯪魚肉加蛋弄成的。

冇乜餸食都攪咗個幾鐘，可能大家都攰啦。

甜品係之前行完山係滿記食的，本來大家都想食涼粉的，不過想叫個陣就聽到話賣晒，最後叫咗份豆腐花楊枝金露，滿足晒想食甜品的慾望。

相關網誌：20090207史先生的家常便飯