20100727的晚餐

今晚食埋啲隔夜餸，另外加一個文思豆腐羹。

做法比想像中容易得多，因為雪櫃有高湯的存貨。

豆腐就用上盒裝豆腐，中間分開兩份之後再打橫開三等份。每塊豆腐先切薄片，略攤平之後再切幼絲，因為塊熟食枮板表面比較「鞋」，攤開時只有前半部分可以推開攤平，而後半就比較企身，所以切出來時粗幼不均。其實大部份都好幼身，只不過是粗的比較容易浮面，切好的豆腐絲放入清水備用，整個過程都不用十分鐘。湯底煮熱後加鹽調味，因為懶爬高去取馬蹄粉，用生粉埋芡個湯底會混濁一點。放入豆腐絲加少許麻油就完成。

由於有幼滑的豆腐絲在羹中，食時口感如絲般幼滑，加上自製高湯（有少許西班牙腿骨）的味道，整體效果相當好。