酷熱包包包

天氣熱，最好係做乜‧‧‧

當然係整麵包啦，唔洗開爐發包，室溫已經可以發得好好。

不過熱過頭，計錯數，水多咗，要用手去修正返。

今次整鹹牛肉包，因為要用埋啲存貨，鹹牛肉、蛋黃及小洋蔥都係剩餘物資，唔食就浪費。

牛肉及小洋蔥碎加黑椒碎先炒好，個包搓好包成三角形，掃上兩層蛋黃。

見個樣單調咗啲就加些少芝士碎。

個爐第一次焗麵包，啲包發得好高，由於用蛋黃，個色會比較深一點，明天早上試下效果如何。