201007大嶼山半天遊

今早又一早出發去郊遊，九點係紅磡坐巴士去昂平。

十點廿分就到達。

落車後都唔係好認得路，幾年冇上來就發覺又改變咗唔少。由巴士站去大佛的工程差不多完成，不過仲睇唔出新路旁的十個新石像是代表什麼。

大佛十點才開門，十時廿五分當然係冇乜人上去啦。

都係啲外籍人士比較有心，一早就上來參觀。

上去的一刻仲係好天的，多行幾步之後就見有薄雲從大佛的右邊飄過。

不同距離、位置及角度看大佛有不同的感覺。

啲雲過咗個天又開返。

時清時朦。

不過鳳凰山都係睇唔到。

大雄寶殿有工程，今次唔入去啦，等佢整完再去睇過。

下峰時又見地壇陽光普照。

最特別的告示牌，原來有人會將紙尿片‥‥‥

下山後轉向心經簡林個邊行下，唔知啲花梨木可以仲頂到幾耐。

之前來都唔知對面有個觀景台。

唔知有心定冇意，廿三號柱係冇經文的。

今年秋涼啲想上一次鳳凰山。

呢一刻個天又好清，啲外島好似桂山咁遠都望得到。

去巴士站睇下去大澳的車開幾點。

見有時間剩就行下市集啦。

市集啲店舖跟上次上來的有所不同，如果唔係賣飲食及佛教紀念品之外我都睇唔到有乜可以賣。

見個站有幾多人排隊就去排下啦，點知班車開早十分鐘，去到大澳都係十二點廿分，十四蚊坐十分鐘真係唔係好抵。

過長堤去對面搵食。

路邊的蕉。

叫碟酸味的菠蘿素雞。

肉絲炒麵。

厚粉的椒鹽魷魚。

食完試下坐船去東涌，快船都係三十分鐘。返到屋企四點都未夠。