熱熱凍乒乒

乒乒昨晚開始肚痾，今日見佢都落晒形，個身仲好凍，唔似平日咁熱騰騰。

中午去咗尖咀買食材，之後係屋企整定啲先入去。

本來打算整好啲烏冬入去再煮就快好多，最後因壓完出來太軟身，運送時好易再拉幼，結果都係入去先再壓，可能溫度成日改，個質感跟平日整的有所不同。

 

係超市買咗兩份牛坑腩加一份牛筋腩及白蘿蔔返來再整清湯腩，牛腩都係先脫生，再用自家製西式牛湯底加鮮香葉、桂皮、草果、黑白胡椒粒及丁香去煮。屋企個壓力煲都放唔晒咁多材料，要分階段先壓牛腩，拿起牛筋腩，加蘿蔔再壓。入去之後再用慢火煮至合適口感及調味。

 

係超市又見到隻加拿大有機雞，今次唔起骨，用由法國運來的普羅旺斯香草，加蒜泥、豉油、砂糖、胡椒粉及芥末去醃，燒時放幾隻小洋蔥入腔內。

 

早日食過的酸甜素雞，煎錯咗個面，應該係要先煎圓個邊再切開，但係今次就切開之後先煎個平面，口感唔同晒，今日見咁多肉就整來玩下，不過唔係咁受歡迎，有人話要食酸甜排骨。

 

Mr.G係柬埔寨食過炒毛茄，不過冇人識煮，最後都係要C小姐親自出馬整個豉椒炒毛茄，不過入面有啲潺唔知點處理。

 

都C小姐煮的蒜泥炒絲瓜。