G先生去完中東及非洲，返來話要食中餐。冇
的中餐要點煮
昨晚去咗香港以南夜釣魷魚，天文台報的天氣預測係雷雨，但七點出海時係冇浪至少浪‥‥‥仲有少許月光。幾的魷魚就即刻煮咗來吃，大的就拿回G先生的家中備用。
由於魷魚的大小不一，處理時都要花點時間去清理。本來想三吃的，不過六個人又唔係好夠。最後魚身就用來做椒鹽，翼及腳就用來豉椒炒。
我最怕就係處理大少不一的食材，雖然魷魚及墨魚切花係我兒時第二樣學的刀功，但十九條厚薄不一的魷魚身真係要好小心去切（最薄的只有一毫米），唔係就會切到穿晒窿，薄身魷魚唔可以切太深，今次試切三十度的密紋，上椒鹽會好一點，冇空間去推拉把刀，只可以用陰力印下去。啲金蒜係老婆整的。
處理細的魷魚鬚比魚身更難，將硬的東西全部除去，裁好大小加上三色椒、洋蔥及豉椒汁去炒。今次又試下整個複雜啲的豉汁，豆豉加上砂糖、生抽、魚露、蠔油、油、味醂及料酒。
早日食完的鮑魚雞煲進化版。
鮑魚桶蠔栗子雞煲，下次試下用生蠔應該會更好食。
係味道見有澳洲的牛腩賣‥‥‥
買兩條返來玩下，呢隻牛腩比較瘦，冇咖哩係手唯有煮清湯啦。
C小姐冇自家製的牛湯底，於是買啲有機牛湯返來，加上薑片、香葉、草果、丁香、桂皮及蘿蔔用壓力煲去煮，最後加入昆布增加湯的深度。買回來的牛湯底比較混濁，都係自己整的清澈一點。
C小姐煮的腐乳通菜。
早日C小姐學完整拿破崙，今日入去的目的試整。再次係家中壓酥皮，今次多人吃，唔怕食唔晒。
焗酥皮時有少許失誤，唔係好夠酥。
有野食當然有啲小狗份，大小姐二小姐又上咗來，今餐啲餸菜好重味，老婆分咗一隻鮑魚比五隻小狗吃，不過二小姐唔肯食。
小狗夜宵時間，澳洲和牛粒蛋黃蝦籽螺絲粉。
阿媽上咗來二小姐先肯食野‥‥‥
沒有留言:
張貼留言