炎炎夏日搵乒乒

天氣熱，早兩星期曬完到現在還在換皮中。

下午入咗去TKO，大熱天時真係唔知煮乜好食。

去味道買咗隻澳洲雪雞，去骨後用蒜泥及豉油醃數小時，之後就加薑汁酒，再釀入醃好的冬菇、栗子及瑤柱去焗。不過為咗唔浪費啲栗子，釀多幾粒入去就攪到爆肚。

去街市買咗幾隻賴屎蝦及大連鮑魚。

賴屎蝦用竹籤固定後蒸熟放入雪櫃冷凍。

鮑魚就洗淨去殼開三份，上鹽、雞粉、胡椒粉及麵粉炸熟，炒香蒜粒、椒鹽及辣椒後將鮑魚回鑊。

C小姐煮的蒜泥炒絲瓜。

C小姐煮的胶筍炒牛肉片。

準備好晒食材之後覺得唔夠食就去咗吉Ｘ島買多少許食品。

見生蠔都可以就買咗啲細隻的太平洋蠔，及中型的美國石蠔。今次自己返去開，唔洗等咁耐。細隻的太平洋蠔比較Creamy，中的就比較爽口。

開油鑊就買多少少野炸下，咖哩角及魚手指，係吉Ｘ島及別街都見唔到有雀目牌的出品，係奧利花見到有得賣，不過就要成八十幾一盒‥‥‥

飯後甜點，C小姐整的Apple Crumble。