20100605的晚餐

今日去咗樂富睇下新開張的百貨公司及超市，人好多，都唔知領匯點攪的，主要出入的扶手電梯係單人的，一間有咁上下規模的百貨公司點夠用‥‥

行咗陣，發覺日用品個邊跟太古城差不多，不過超市就比太古個邊少了很多日式食品賣。睇完就去咗九龍城食晏，之後就坐架慢車落尖咀的扒扒。

買咗條彩虹鱒魚，用肥媽之前教的方法去整。

檸檬三片及少許刁草放入魚肚內。

打起三個蛋白，加入一杯麵粉及包半粗鹽拌勻，舖上魚身，加兩粒黑椒變成比目魚。入焗爐180度焗廿分鐘多少少。

另外就用牛油、Parsley、岩鹽、蒜泥（白酒冇用）去煮啲大蝸牛。

焗好的大蛋白。

呢個時候先記得個底冇鹽包住‥‥‥

粉紅色的魚肉好靚。

炒碟菜芯又一餐啦。

蝸牛拌意粉。