20100620的晚餐

老婆想食鴨髀，買咗隻急凍的返來，天氣熱，返到屋企都解咗三分一。

又有特價意大利雲吞，三十幾一份自己買材料都未得。做法好簡單，煮三分鐘之後用之前煮好的蕃茄醬燴。

法國來的鴨髀肉質有一種特別的味道，皮下脂肪特別多，先在皮上開刀口，用少許鹽及胡椒略醃肉那邊，不用加油，放入有蓋的煲先慢火煎肉那邊，再煎脆另一面，這時已經有半吋油浸住隻鴨髀，加蓋入焗爐用140度焗十五分鐘，再反轉多焗十五分鐘，這時應該有一吋鴨油浸住隻鴨髀啦。拿出鴨髀，放在網上用烤的功能大火烤五分鐘左右，要留意焗爐的狀況，因為油多好容易攪到好大煙。

雖然仲有啲肥油係皮下面（只係近鏡頭的一少部分），不過層皮今次整得好脆口，這樣處理有一個好處就係皮脆而肉不焦。

炒多一碟菜芯又一餐啦。

本來想試整大黃的，不過煮時失敗咗，下次知點煮啦。