20090727的晚餐

今晚打算早啲返，點知都係八點先返到。

唔夠時間醃條黑鯧魚，唯有開多幾刀來醃。用洋蔥、薑茸、胡椒粉、辣椒粉、魚露、砂糖、桂林辣椒醬、幼鹽及味醂來醃咗半個鐘多少少就煎啦。

繼續用個平底鑊來煎，今次好好多，底個面靚過呢邊，不過再反條魚就散啦。

另外又試下用豆瓣醬（因為冇XO醬）去炒蝦乾及絲瓜，今次只係用浸蝦乾的水去煮，食完啲瓜都冇出水。