20090712的晚餐

燒咗兩日，個人精神好返晒，不過就好容易攰。

今晚食多啲菜，有炒沙葛粒及冬瓜鹹肉湯。沙葛都係第一次煮，加肉丁、粟米粒、松子、蔥粒及辣椒去炒，但係都炒唔到出面食個種爽脆口感，個味如果唔食沙葛粒都可以的，但係加埋就唔係好夾，好似兩樣最後混埋一齊咁，做唔到調和的效果。冬瓜湯用上雞湯底，加帶骨的鹹肉去煮，煮好加夜香花，本身味都夠，鹽都唔洗落。翠玉瓜泡菜醃到今日啲味開始熔合晒，不過都差不多食晒啦。

好返當然又飲酒啦，飲咗杯紅酒送飯，有少少唔夠。

韓國溫室瓜加砵酒。

個瓜只係清甜，但枝酒太靚，比枝酒搶晒啲味，有點浪費，不過呢枝已經係屋企最差的一枝砵酒．．．