20090721的晚餐

睇返個記錄原來呢篇係第三百六十六篇晚餐網誌，其實一早應該夠一年的篇數，因為有啲晚餐撥咗入其他分類，所以到今晚先至過咗三六五篇。

昨晚食返之前留下的半條魟魚，同一樣的煮法，所以冇再映相。

今晚雖然夜返，但都繼續玩炸野食，百花釀豆腐卜、長芋條及炒椰菜絲。今次買啲豆腐卜好厚皮，唔係咁好食。另外炸完啲長芋好似炸薯條一樣的口感，外脆內軟。