20090710的晚餐

是日病到五顏六色。一早六點幾起身，個胃唔多妥，反晒胃，早餐都冇煮，返到去擎天先食少少野。跟往就開工，已經發覺力不從心，攪到十二點，諗住去食飯，點知個人開始暈暈地，出唔到去食，又諗住係辦公室訓一陣睇下點，點知有人買個飯盒返來吃，不得了啦，一嗅到陣味就即刻想嘔．．．出去吸下新鮮空氣，個人都好返啲，不過我知道又中咗唔知乜流感啦．．．

下午返咗屋企休息，訓咗兩個鐘，反胃的訊息冇晒，可以食少少野，跟住又再訓。訓到五點幾起身，望廳個溫度計有成三十四度，但係又唔覺熱喎，原來自己發緊燒．．．

晚餐食返之前醃落的黑鱲西京燒，其實食乜都冇乜味覺．．．