20090707的晚餐@冇免費膠袋的日子

本來打算今晚食的餸因為未解完凍，要明天先可以吃，今後唯有去街市行一轉。

行咗一圈都冇乜野啱食，最後揀咗條筍殼魚，十一両重開邊。

吸乾水，上鹽、胡椒粉及生粉。

有油就炸咗佢來吃啦，不過唔夠全條一齊炸，先炸魚頭約四十五秒，再炸魚肚，魚肉就淋油炸三分鐘，之後就反轉再炸多一分鐘。

炸到都冇人認得到佢，之後再用辣椒、菠蘿、蕃茄、茄汁及喼汁煮個甜酸辣醬去吃。

另外星期天整咗啲韓式醃翠玉瓜。先用雞湯煮軟，瀝乾後加入韓式辣醬、熟蒜粒、砂糖、魚露、白麵豉及麻油，涼後放入雪櫃。

今日用一半糙米加韓國米吃，啲韓國米冇晒特色，下次要用返啲平米先得啦。

我平日一天的垃圾分類後就係得咁多，唔派膠袋都唔知去邊搵啲咁細的垃圾袋