回鄉的第一天

坐船轉車返到鄉下都成點鐘，等一陣就食午餐啦，有乾魷炒菜、燒肉、蒸魚頭、韮菜豬紅、蒸雞及炆鵝。鄉下食的燒肉跟香港唔同，係用大豬來燒的，比較有肉味但纖維會多啲，用來炆會更好食。新鮮整好的豬紅特別好食，另外有好耐冇食過的真正走地雞，質同味都係零舍唔同的。乾魷我都好少食啦，呢批應該係爹娘係香港帶返去的，如果無記錯每年清明都會有得食。

食完飯都係冇乜野做，本來打算去生態園行的，但時間唔夠又要幫手準備清明祭祖的事項，黃昏前入咗村行，詳見另文：簡樸的鄉郊生活。

清明回鄉祭祖主要都係聚會及飲食，屋入面的廚房唔夠用，要在屋外的位置架設咗臨時爐頭，經過幾代的演化，由之前的加壓火水爐變成現在的加壓液化氣爐頸。

砧板位兩個都唔夠用，不過佢地慣咗係地上工作的。

人多當然碗筷又多啲啦，不過高峰期仲未到。

是晚都只係四維走。

吃過晚飯，嬸母們開始整煎埋。用蔗糖水開的燸米粉團，用糖漿炒好的綠豆茸做餡餅。

有人問我之前砌好的puzzle放係邊，今次返去可以用digital映返佢地啲相啦。

兩幅二千的。

另一幅三千的。

下次要帶膠水上去修補一下。

另一張一千的放咗係房入面。

其實仲有幾幅未帶返去，唔知幾時有時間啦。