回鄉祭祖

都唔記得有幾多年冇返過鄉下啦。以前用回鄉証的年代都有紀錄出入口岸的日期，自從用咗回鄉卡之後，冇咗呢啲記錄之後都唔知點搵返邊年返過去．．．

兩日一夜的行程，星期五兩兄弟一早出門口坐船轉車，中午時候返到。

鄉下大至上都係咁上下樣，係多咗幾間屋起咗係路邊啫，田園都仲有啲係度。

今年的清明係一個好特別的年份，雖然有啲堂兄弟外出工作未能回來，但好難得一班叔伯姑能再次一齊去祭祖，祖父母泉下應該會很高興。

今日下午乘船回港，現在身心俱疲，有時間再寫。

下期預告：簡樸的鄉郊生活。

不日上映：老婆終於明白什麼是燒炮仗啦。