2009年4月11日 星期六

韓風@TKO

又係開餐的時候。某人好耐之前已經話要食韓式食物,諗一大輪終於搵到啲容易整的。


韓式泡菜,係韓國街買的,有生醃八爪魚及雞泡魚。



人蔘鴛鴦雞。由於C小姐需要補下身子,咁就買咗一隻普通雞及一隻烏雞。朝早十點幾去到街市,見到好多人等攞雞,而雞籠入面得返唔夠十隻雞,睇下日曆原來係十六,唔怪得咁多人買鮮雞啦。


今次用咗一枝鮮人蔘切條,係餡料入面加咗紅棗、栗子及糯米。而係個浸湯入面加咗薑、蔥及洋蔥。





韓式炒年糕。都係跟平時一樣,用洋蔥絲、蒜片、紅蘿蔔片、紅辣椒片、泡菜、NZ肉眼切片、韓式年糕、韓式辣醬、魚露、味醂、料酒、糖及麻油煮成。



韓式炒粉絲。先浸透粉絲,再煮約十分鐘,用清水去潺。先炒好洋蔥及蒜泥、再加入紅椒絲及紅蘿蔔絲,炒香後加入醃好的木耳絲及冬菇絲,熟透後盛起。將粉絲回鑊,加入用曬油、黑豆油及生抽調好的醬油、砂糖及魚露,拌勻後加入煮好的配料,最後加入麻油。



清湯牛坑腩。牛腩先汆水,洗淨後加入牛高湯(草果、香葉及蔬菜)內煮至腍身,煮好後隔油。清湯加入鹽、胡椒粒、薑及蔥煮沸,加入白蘿蔔煮至腍身,最後加入切好的牛腩。



食唔晒的菜芯冇映到。


韓國草莓及富有柿(冇映到)。



04112009 韓式大餐


沒有留言:

張貼留言