簡樸的鄉郊生活

入村之前見到一條牛，聽叔伯們講大部份落田的都用上機械的農耕工具，依家村入面只剩下兩條牛，由於同主人唔係太熟稔，想映返張春牛圖都唔得。

由於村內的建屋的限制，加上大部份的人都出外工作，真正鄉下入面所住的人都已經唔多。村民為了改善生活質數，大部分都在村外的土地上蓋上新房屋，所以入到去都會有一些荒涼的感覺。

記得兒時回來的時候，這些門巷子是有豬隻行走的。

這裡曾是樁草織蓆的地方。

村內的下崇間，早晚都有人來上香的。

入面有六間房，紅白二事都是在這裡進行的。

中央有個大天井。

村內有兩口井，由於水源受到污染，呢個井都唔用啦，另一個都只會用來洗滌用，村內的人都已經用自來水煮食。

呢間係祖屋之一，已經荒廢了好耐啦，第一次回鄉的時候就是在這裡住的，有好多跟祖父的回憶都留在裡面。

呢間就比較新一點，祖母過身前都係住係呢處，而我曾經在裡面用竹枝生火煲湯，一煲就煲咗三個幾小時。

呢棵就係我老竇種的荔枝樹啦，由果核開始種到現在都有成五十幾年的歷史啦。