清明時節雨紛紛，
路上行人欲斷魂。
借問酒家何處有，
牧童遙指杏花村。
一早六時左右起床，七時已經出咗墟食早餐，由於表哥從幾公里外駕車來載我們出墟，慳咗廿五分的行程，所以七點一個字已經出到墟啦。酒家內太暗，映唔到相
。
今天係要應付咖啡癮的重要日子，因為太忙唔記得買三合一返去，而根據往積第一天唔喝咖啡係會非常辛苦的。不過早上轉飲超濃普洱之後，到晚上仍然沒有多大的問題，有可能係現在的咖啡機沖出來的比以前的淡一點
。鄉間的食物種類唔會太多選擇，大部份人都會食粥，最興幸的就係啲點心唔覺有味精，唔係就大件事啦。
由於早一天才是墟期，今天的市場變回平日的樣子，只有部份的店鋪開門，少咗"去襯墟"那種熱鬧感覺。大陸的市場跟香港不同，活牲口比較多，當然雞、鴨、鵝呢啲係少不免的啦，仲有香港見唔到的大鵪鶉，下次返去的話一定要買幾隻返去食，另外當然仲有啲香港禁售的食品。
行咗陣市場就返家啦，因為大量採購的物品會乘摩托回去，而我們就要步行。
今年鄉間的天氣好應節，一早起床已經見到個地下濕晒，出門口個陣仲有點雨粉飄飄下。唔知係時間尚早定節日關係，鎮上的街道仍然冷冷清清。
待續．．．
沒有留言:
張貼留言