繼續食食食

話說之前講過清明回鄉祭祖主要都係聚會及飲食，係出發去祭祖之前當然要食返餐先啦。記得上次行清的時候祭祖係分兩節的，上午一輪，午飯後又一輪，不過下午的就好快完成。再之前的就真係行足一整日啦。

最先當然係煮飯啦，人太多，唔用飯煲，更加唔再煮大鑊飯，用蒸籠蒸飯。整野的地方好似好污穢，天氣唔好潮濕就係咁啦，其實切熟食物前都會用熱水洗晒所有用具先。

只有密底的器皿先會放地下。

筲箕的就會放在櫈上面。

雞就浸熟。

現在大陸鄉村地方好多時都會用煤來煮食，一舊煤剛好煲好一煲湯。

炆緊羊肉，後面個就係煤爐啦。

大家有冇發覺鄉下煮食的全都是男人做，女的只會洗碗。

開飯啦。

冇真正數過，應該有近七十人係屋入面。