炸芋蝦(updated with video)

第三年係屋企炸芋蝦，係未玩熟個電磁爐的環境下又膽粗粗咁試下啦。

分咗三日係三檔買咗三隻芋頭，有一隻唔係咁靚。

係未開始之前本來先炸腰果的，不過因為貨期唔啱，遲啲再玩啦。開咗隻油鑊之後就炸蝦片先，今次買咗隻貴價的印尼蝦片，細片啲，其他人話好味，不過因為吸咗成日油煙，唔想再食油炸野，留返明日再試。

今日多咗學新學員，我可以做少好多野啦。先將芫茜摘好然後吸乾水份。

再將切好片的芋頭刨絲。

今年切得輕鬆好多，因為係富榮記借咗把長刀返來，唔洗切到鬼五馬六。

除咗把刀之外，由於多人開工的關係，刨及炸篩都要問富榮記借。

刨好啦。

由於個Le Creuset生鐵鑊同個電磁爐啲時辰八字唔夾(大家都係法國同鄉)，攪到啲油溫唔夠，炸來炸去都唔似樣，最後要出Plan B，用返Fissler的不鏽鋼煲先OK，不過個煲口比較細，要將油面高度升到好高先可以比兩個人同時炸。結果大家有成四吋滾油玩。

深水炸彈。

最後四個鐘頭炸咗三個芋頭，如果唔係比啲法國鄉理玩，應該三個鐘頭就可以完成啦。

大家都滿載而歸。