20090110的午餐@翡翠拉麵小籠包

今日自從吃完早餐都未停過，中午前去完宜家買野，當然係附近食埋飯再行啦。入到去叫咗担担麵、小籠包、鍋貼及蘿蔔絲酥餅。

都見佢真係自己拉出來的，但係麵的筋性唔夠，得個滑字，湯底帶酸味，應該係用醋的關係，感覺一般。

小籠包個皮就一般，冇穿到，肉汁都夠多。

最不滿就係個鍋貼，蘿蔔絲酥餅到咗好耐都仲未上，以為佢慢慢煎啦，點知個底好似炸的一樣，脆口個部份似煎包個種皮多啲，合埋眼仲以為食緊煎包，我覺得仲個皮攪錯野多啲。

蘿蔔絲酥餅用清油炸，個皮唔燶不過有油味，個餡就非常濕潤。