補鐘

正如昨晚阿蘇講，炸芋蝦呢樣野一年炸一次真係好難做得好，如果自己屋企炸，跟本唔可能年年都保持到水準，因為自己食的話比盡咪炸得二個芋頭咁大把，當你可以掌握返個技術之後就已經炸晒啦。

今年C小姐叫到，當然又去整多次啦。今次去都係切芋頭，由於隻手腕仲未好得晒，切咗五隻芋頭之後有點控制唔到把刀垂直咁切下去，要抖抖先可以再切，不過最後一隻都係切到唔知點。由於一早去到富榮的關係，啲工友都仲未來到，咁就可以試下用刨去刨下啲芋絲，本人最怕呢種刨法，因為好驚刨到隻雞脾位，見有成十一隻芋頭係度，一兩片差少少都唔多覺，最終掌握到用刨的技巧啦。不過再整又係下年的事了．．．

今年的芋頭好濕，要用風扇吹乾先可以去炸，往年的都係要用濕布去蓋住，驚走晒啲水。所以話呢啲經驗邊可以一年就可以學得晒呀．．．

不過呢批芋頭又真係比較鬆，應該同炸腰果的原理一樣，水將啲細胞擴張晒，到炸的時候油份的熱力將水份子趕走，形成一個個的氣泡，食落去就會鬆化。不過炸芋蝦跟腰果唔同，油係熱時落芋蝦，冇時間比啲水份慢慢走，會攪到外邊燶晒入邊都未熟，要吹乾先可以落鑊炸。