己丑年的第一餐晚餐

今晚轉食潮州食品：蝦棗、祼肉及蝦卷。加一碟炒椰菜，簡簡單單又一餐。

啲蝦棗、祼肉及蝦卷係年三十係九龍城買的，幾粒野都要成五十元。返來用猛油炸脆個面就食得。

年初一先得閒洗屋，洗咗五個鐘，下午飯四點先有得食，四十分鐘煮咗個黑松露白汁海鮮伴黑松露意粉，全部海鮮都係即刻解凍就食，蝦就先焯熟去殼去腸，蠔肉就先汆水，再用洋蔥及紅椒煮個黑松露白汁再將蝦蠔回鑊煮，另外帶子就用鑊煎熟，呢隻黑松露意粉比較硬身，味道只可以配白汁，蕃茄汁就唔係咁合適啦。由於冇時間去洗煲，第一次用三隻鑊及兩個煲去煮一餐。