20090112的晚餐

昨日玩得高興過頭，冇去街市買今個星期的餸。今晚又晏咗走，去到街市買咗條筍殼魚及半斤豆苗。諗諗下唔夠餸，又加多一隻油鴨脾。

隻油鴨脾汆咗水，放入煲飯一齊煮。

豆苗就摘晒啲莖，用魚露及糖炒。今次蒸魚用返Le Creuset的生鐵鑊去蒸，不過用咗細圈個邊，原來又OK喎。開咗邊條筍殼魚唔記得減返少少時間，過咗少少火，有一邊開口老咗啲。